Dövlət, ölkə nə qədər çox xalqı birləşdirsə, bir o qədər zəngin olur, çünki onların hər biri ümumdünya mədəniyyətinə və sivilizasiyasına öz töhfəsini verir.
Heydər Əliyev
Canəli Əkbərov - 70
2010-cu
ilin martında Heydər Əliyev Fondu Xalq artisti, professor Canəli Əkbərovun 70
illik yubileyi münasibətilə xanəndənin həyat və yaradıcılığına həsr olunmuş
musiqi albomunu nəşr edib. Musiqi albomu kitab, 3 CD və DVD-dən ibarətdir.
Azərbaycan və ingilis dillərində olan kitabda ustad xanəndənin uşaqlıq və gənclik illərindən, zəngin və unudulmaz hadisələrlə yaddaqalan yaradıcılıq yolundan söhbət açılır. Sənətkarın müxtəlif məclislərdə ifasının əks olunduğu şəkillər, tələbələri, sənət yoldaşları, ailəsi ilə çəkdirdiyi şəkillər kitabda yer alıb.
CD-lərdə və DVD-də xanəndənin ifasında xalq mahnıları və muğamlar toplanıb.