Bakının Nizami rayonunda yerləşən “Qayğı” reabilitasiya mərkəzi 1952-ci ildə inşa olunub. 2012-ci ildə bağçada yenidənqurma işlərinə başlanılıb. 2013-cü il mayın 3-də Heydər Əliyev Fondunun prezidenti Mehriban Əliyeva mərkəzin açılışında iştirak edib.
Binaya 73 kvadratmetrlik tikili əlavə olunub, ərazidə fiziki qüsurlu uşaqların müalicəsi üçün nəzərdə tutulmuş 265 kvadratmetrlik qapalı hovuz inşa edilib. Serebral iflic xəstələri üçün xüsusi trenajorlar quraşdırılıb.
Heydər Əliyev Fondu mərkəzi zəruri avadanlıqla təchiz edib.