Heydər Əliyev Fondunun 20 illiyinə həsr olunmuş konsert

Heydər Əliyev Mərkəzində “20 ilin sədası” adlı konsert proqramı təqdim olunub.

Konsert proqramı Heydər Əliyev Fondunun fəaliyyəti, mədəniyyət sahəsində gördüyü işlərə dair videoçarxın nümayişi ilə başlayıb.

Daha sonra isə səhnə Fondun yaradıcılıqlarında iz qoyduğu mədəniyyət xadimlərinin ixtiyarına verilib. Konsertdə Azərbaycan və xarici bəstəkarların əsərləri, xalq mahnılarımız səslənib. Hər bir ifa monitorda xüsusi görüntülərlə müşayiət olunub.